„ბიჭებს დიდი მადლობა იმისთვის, რომ გუშინ მთელი მსოფლიო აალაპარაკეს. მართლაც სასწაული ხდებოდა - ზოგმა კრიტიკა დაიწყო და მერე, გამოხმაურებები რომ ნახა გადააფასა", - ამის შესახებ პარტია „ხალხის ძალის“ დეპუტატმა მიხეილ ყაველაშვილმა ევროპის ჩემპიონატზე საქართველო-თურქეთის თამაშის შეფასებისას განაცხადა.
მისი თქმით, ნაკრების ფეხბურთელებმა უდიდესი შედეგი დადეს და ქვეყანა ევროპის ჩემპიონატზე გაიყვანეს.
„ბიჭებს დიდი მადლობა იმისთვის, რომ გუშინ მთელი მსოფლიო აალაპარაკეს. მართლაც სასწაული ხდებოდა - ზოგმა კრიტიკა დაიწყო და მერე, გამოხმაურებები რომ ნახა გადააფასა. ნელ-ნელა დაიხვეწება რეალობის აღქმა და ჩვენი ბიჭების როლისა და შესაძლებლობების სწორად შეფასებას ვისწავლით, სურვილებისა და ემოციების მიუხედავად. შესაძლებელი იყო გადაგვერჩინა თამაში და არ წაგვეგო, თუმცა სანიოლის დავეთანხმები - გამოცდილებას თავისი როლი აქვს ამ ეიფორიიდან გამომდინარე, ვინაიდან პირველად მონაწილეობენ ევროპის ჩემპიონატში, პირველი თამაში იყო და ის პირველი 20 წუთიც ამას მიანიშნებდა. ჩვენ ვგრძნობთ, რომ ამ ფორმაციის ნაკრებში, რა თქმა უნდა, ბიჭები მაქსიმუმს აკეთებენ და უდიდესი შედეგი დადეს - ისინი ევროპის ჩემპიონატზე თამაშობენ. ქართულ ფეხბურთს დიდი პოტენციალი აქვს, უფრო მაგრად წარმოჩინდეს. ვიღაცებისთვის ახალი იყო საქართველო, დებიუტანტი, საერთოდ არ ენახა ჩვენი თამაში და გაუკვირდათ - თურმე რა მაგრად თამაშობენო. ჩვენ სხვა ამბიცია გვაქვს - ვიცით, რომ მეტი შეგვიძლია.“- განაცხადა მიხეილ ყაველაშვილმა.
