როდესაც ევრორეკომენდაციის შესრულებაზე ვსაუბრობთ, რა დროს საპარლამენტო საგამოძიებო კომისიის შექმნაზეა ლაპარაკი, რომელიც მხოლოდ სასამართლოს და ქართული სახელმწიფოს დაზიანებისკენ არის მიმართული, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებთან განაცხადა.
„ამ დროს დღის წესრიგის შექმნა, შოუების დადგმა სასამართლოს წინააღმდეგ, ეწინააღმდეგება საქართველოს ინტერესს, რომ შესრულდეს ყველა ევრორეკომენდაცია. ჩვენ ყველაფერს ვაკეთებთ, რომ საბაბი არ მივცეთ იმ გეგმის შესასრულებლად, რომ საქართველოს არ მიეცეს სტატუსი და ამან გამოიწვიოს არეულობა. ამ დროს კი ისინი ყველაფერს აკეთებენ, რომ პატარ-პატარა ნაღმები ჩადონ და ერთ-ერთი ნაღმია სასამართლოს შესახებ კომისიის შექმნის მოთხოვნა და ამ ნაღმს არ ჩავადებინებთ“, - განაცხადა მამუკა მდინარაძემ.
