ეს არის სასოწარკვეთილი ადამიანის განცხადება. ჩვენ წინასწარ ვაცხადებდით, რომ ამ ალიანსს არანაირი მომავალი არ ექნებოდა, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა, რიღაც გამოეხმაურა „ოპოზიციის ალიანსის“ ერთ-ერთი ლიდერის ნიკა გვარამიას განცხადებას, რომლის თანახმადაც: „მოვიდა დრო, „ოპოზიციური ალიანსის“ ხელმომწერები ხელახლა შევიკრიბოთ და გადავიაზროთ, რას ვაკეთებთ, მეც მინდა, ვიცოდე, სად ვარ“.
მისი თქმით, „ოპოზიციურ ალიანსში“ არიან ადამიანები, რომლებსაც ერთმანეთი სძულთ და გარე მითითების გამო ვალდებული იყვნენ, მოქალაქეებისთვის ფასადური დაჯგუფება ეჩვენებინათ.
„გარე დამკვეთების მხრიდან ეს იყო კარგად გათვლილი ნაბიჯი, რომ მეტი აჟიოტაჟი, ქაოსი გამოეწვიათ სწორედ ამ დაჯგუფებაში, მოქალაქეების ყურადღება აქეთ ყოფილიყო გადატანილი და ამ დაჯგუფების, გაერთიანების მიღმა დაეტოვებინათ „ლელო“ და „გახარიას“ პარტია. 2025 წლიდან მოყოლებული გარე პატრონები ცდილობენ, „ლელო“ და გახარია ჩვენი საზოგადოების თვალში გამიჯნონ „კოლექტიური ნაცებისგან“, კოლექტიური აგენტურული ქსელისგან, თითქოს ცალკე პარტიები არიან, რათა 2028 წელს ფსონი მათზე დადონ. რა თქმა უნდა, ასეთი ნაბიჯებით ჩვენს მოქალაქეებს შეცდომაში ვერ შეიყვანენ“, – განაცხადა ლევან მაჭავარიანმა.
