„პრემიერი არის არალეგიტიმური, რადგან მის მოქალაქეებს ქუჩებში დასდევენ, სახლებთან ხვდებიან, სახლებში უვარდებიან და ამას აორგანიზებს კობახიძე, მისი პარტია, მისი ხელისუფლება. ამიტომ არანაირი ლეგიტიმური უფლება ილაპარაკოს მოქალაქეებზე, ამ ადამიანს არ აქვს.“ - განაცხადა ერთიანი ნაციონალური მოძრაობის თავმჯდომარემ ლევან ხაბეიშვილმა, საქართველოს პრემიერმინისტრის ირაკლი კობახიძის გამოქვეყნებულ წერილთან დაკავშირებით, სადაც აქციაზე მყოფ ახალგაზრდებს მიმართავს.
„პრემიერი არის არალეგიტიმური, რადგან მის მოქალაქეებს ქუჩებში დასდევენ, სახლებთან ხვდებიან, სახლებში უვარდებიან და ამას აორგანიზებს კობახიძე, მისი პარტია, მისი ხელისუფლება. მის მიერ შემოტანილ კანონს ეწინააღმდეგება საქართველოს მოსახლეობა, ეწინააღმდეგებიან ჩვენი პარტნიორები და არავის არ უნდა ეს კანონი. შესაბამისად, ასევე ის არღვევს კონსტიტუციას, როდესაც საქართველოს ევროპულ კურსს ცვლის და 29 აპრილს ეს მისმა ბატონმა, ივანიშვილმა ღიად განაცხადა. ამიტომ არანაირი ლეგიტიმური უფლება ილაპარაკოს მოქალაქეებზე ამ ადამიანს არ აქვს. სანამ დროა გონს მოეგონ და ეს კონკრეტული დანაშაულები შეწყვიტონ და კონკრეტული დამნაშავეები მისცენ პასუხისგებაში. და თუ ამას არ აკეთებენ უნდა ესმოდეთ, რომ უბრალოდ კიდევ უფრო მეტად იმძიმებენ სამართლებრივად საქმეს, როგორც პრემიერ მინისტრი, ასევე ყველა ის ადამიანი ვინც უკანონო დავალებას ასრულებს.“- განაცხადა ლევან ხაბეიშვილმა
პ.ს. საქართველოს პრემიერმინისტრის, წერილი შეგიძლიათ წაიკითხოთ აქ: ირაკლი კობახიძე - ღია წერილი გულწრფელ ახალგაზრდებს
