მადლობა უნდა გადავუხადოთ მაშველებს, ასევე ადამიანებს, რომლებიც მძიმე ტექნიკაზე მუშაობენ, იმისათვის, რომ მაქსიმალურად მოახერხონ დაკარგული ადამიანების პოვნა, – ამის შესახებ პარტია „ქართული ოცნების“ თავმჯდომარე ირაკლი კობახიძემ შოვში განაცხადა.
მისი თქმით, სამძებრო სამუშაოები აქტიურად გრძელდება.
„გრძელდება ძებნის სამუშაოები. 26 ცხედარია ნაპოვნი, საიდანაც 24 არის იდენტიფიცირებული, ასევე სამი ადამიანის ფრაგმენტებია და ხდება იდენტიფიცირება. გრძელდება ეს სამუშაოები და მადლობა უნდა გადავუხადოთ მაშველებს, ასევე ადამიანებს, რომლებიც მძიმე ტექნიკაზე მუშაობენ, იმისათვის, რომ მაქსიმალურად მოახერხონ დაკარგული ადამიანების პოვნა. ძალიან მძიმე სამუშაოა და მადლობა მათ“, – განაცხადა ირაკლი კობახიძემ.
