ფრაქცია „ქართული ოცნების” თავმჯდომარის მოადგილე, გრეტა წიწავა, “კოალიცია ცვლილებებისთვის” ერთ-ერთი ლიდერის, ელენე ხოშტარიას განცხადებას ეხმიანება, რომლის თანახმად, ოპოზიციონერი პოლიტიკოსი შიმშილობას იმ შემთხვევაში შეწყვეტს, თუ ოპოზიცია უარს იტყვის ადგილობრივი თვითმმართველობის არჩევნებში მონაწილეობაზე.
როგორც გრეტა წიწავა აღნიშნავს, ოპოზიცია ვითომ კინკლაობს, სინამდვილეში კი, ერთნი არიან და დავალების შესაბამისად იმოქმედებენ.
“ამბავი - ელენე ხოშტარია აცხადებს, რომ შიმშილობას შეწყვეტს, თუ ოპოზიცია შეთანხმდება და უარს იტყვის არჩევნებში მონაწილეობაზე. ოპოზიციამ ოპოზიციას შიმშილობა გამოუცხადა - მე მაინც მოგიწოდებთ კონსტრუქციული დიალოგისკენ... ვითომ კინკლაობთ, ერთნი ხართ და რასაც დაგავალებენ იმას გააკეთებთ!!!” - წერს გრეტა წიწავა სოციალურ ქსელში.
შეგახსენებთ, გერმანიის ელჩმა პიტერ ფიშერმა რუსთაველის გამზირზე, მოშიმშილე „დროას“ ლიდერი ელენე ხოშტარია და ყოფილი დეპუტატი გედევან ფოფხაძე მოინახულა.
მოგვიანებით კი სოციალურ ქსელში დაწერა: ადამიანური თანაგრძნობაა, რომ შიმშილობაში მყოფ პოლიტიკოსებს ესაუბრო - "თუ ჩვენთან არ ხარ, ჩვენი მტერი ხარ" გარემოს პოპულარიზება ხდება
