დღეს ხალხს აწუხებს უმუშევრობა, ფასების ზრდა, კატასტროფული მიგრაცია. ამ დროს პრემიერად ნიშნავ ადამიანს, რომელსაც არაფერი გაეგება ეკონომიკის,- ასე გამოეხმაურება „სტრატეგია აღმაშენებლის” თავმჯდომარე, გიორგი ვაშაძე ბიძინა ივანიშვილის გადაწყვეტილებას, რომლის მიხედვითაც პრემიერის პოსტზე ირაკლი ღარიბაშვილს ირაკლი კობახიძე ჩაანაცვლებს.
„ღარიბაშვილის კობახიძით ჩანაცვლებით, კიდევ ერთხელ დაამტკიცა ივანიშვილმა, რომ სრულიად აცდენილია რეალობასა და ხალხის პრობლემებს. დღეს ხალხს აწუხებს უმუშევრობა, ფასების ზრდა, კატასტროფული მიგრაცია.
ამ დროს პრემიერად ნიშნავ ადამიანს, რომელსაც არაფერი გაეგება ეკონომიკის და იცავს მხოლოდ მის პერსონალურ ინტერესებს და უფრო ეფექტურად შეუშლის ხელს საქართველოს ევროკავშირში ინტეგრაციას. გამოსავალი, რა თქმა უნდა, არსებობს.
ჩვენი ერთიანობით დიდი გამარჯვება უნდა ვიზეიმოთ წელს. მოვიზიდოთ ამერიკული და ევროპული ინვესტიციები, შევქმნათ ღირსეული და მაღალანაზღაურებადი სამუშაო ადგილები და რაც მთავარია, გავხდეთ ევროკავშირის სრულუფლებიანი წევრი. მე მჯერა ამის და ამას აუცილებლად გავაკეთებთ, ძალა ერთობაშია!” - განაცხადა ვაშაძემ
