თბილისის საკრებულოში გამართულ სხდომაზე საკრებულოს თავმჯდომარემ, გიორგი ტყემალაძემ, სხდომაზე განსახილველ საკითხებთან დაკავშირებით ისაუბრა, ასევე დედაქალაქის საკანონმდებლო ორგანოს ოპოზიციონერი წევრების მხრიდან ბოიკოტის საკითხსაც გამოეხმაურა.
„ოპოზიციონერი კოლეგები აგრძელებენ ბოიკოტს, თუმცა ეს არ არის ბოიკოტი საკრებულოს მიმართ, ეს ბოიკოტი არის თბილისელებისა და იმ ამომრჩევლების მიმართ, რომლებმაც მათ მხარი დაუჭირეს. უმჯობესია, ისინი ისხდნენ სხდომათა დარბაზში, მიიღონ მონაწილეობა კომისიის სხდომებში და აიღონ პასუხისმგებლობა იმ გადაწყვეტილებებზე, რომლებიც ჩვენი ქალაქისთვის, თბილისელებისთვის, აუცილებელი და მნიშვნელოვანია“, - განაცხადა გიორგი ტყემალაძემ.
