პარტიას „საქართველოსთვის" ლიდერის, გიორგი გახარიას განცხადება
ხალხის მიერ მოპოვებულ კანდიდატის სტატუსს ვერ მიიწერთ. გვითხარით როდის იწყებთ გაფართოებაზე მოლაპარაკებას ევროკავშირთან ნოემბრის მოახლოებასთან ერთად, ხელისუფლება ცდილობს მიიწეროს და საკუთარ დამსახურებად გაასაღოს ევროკავშირის წევრობის კანდიდატის სტატუსის მიღება, სინამდვილეში კი არაფერს აკეთებს ამ პროცესის წინსვლისთვის, თუ არა - პირიქით.
ეს მკაფიოდ ჩანს აშშ-ევროკავშირის ერთობლივ განცხადებაშიც, სადაც საქართველოს მთავრობას პირდაპირ სთხოვენ რეფორმების გატარებას, რასაც ის არ აკეთებს.
კანდიდატის სტატუსი საქართველოს მიღებული აქვს და ეს პირველ რიგში ქართველი ხალხის ბოლო 30-წლიანი ბრძოლის დამსახურებაა, ასევე თავად ევროკავშირის ძალისხმევის, რომელიც გეოპოლიტიკური გარემოს გათვალისწინებით არ გვტოვებს რუსეთთან პირისპირ; ისინი ითვალისწინებენ იმასაც, რომ საქართველო ლიდერი
ქვეყანა იყო სტატუსის კანდიდატთა სამეულში (საქართველო-უკრაინა-მოლდოვა), მიუხედავად იმისა, რომ ხელისუფლებამ ეს ლიდერობა დაგვაკარგვინა.
საქართველოს მთავრობისგან მოვითხოვთ, შეწყვიტოს ქართველი ხალხის დამსახურების საკუთარ დამსახურებად მონათვლა და გვითხრას როდის დაეწევა საქართველო მოლდოვას და კონკრეტულად როდის დაიწყება გაფართოებაზე მოლაპარაკება საქართველოს და ევროკავშირს შორის." - ნათქვამია გიორგი გახარიას გავრცელებულ განცხადებაში.
