ქურქუმალებო, გაიცანით მამუკა მდინარაძე? ეჭვი მეპარება კარგად გაგეცნოთ ასე იქნება ყველგან! მიიღებთ სიფათში ქართულ, კაცურ პასუხს! - ასე მიმართავს "ქართული ოცნების" დეპუტატი დიტო სამხარაძე "ნაციონალური მოძრაობის" აქტივისტებს, რომლებიც გუშინ საღამოს "ქართული ოცნების" აღმასრულებელ მდივანს, მამუკა მდინარაძეს ტვ "იმედთან" დახვდნენ, სადაც ადგილი ჰქონდა დაპირიპისპირებას.
"ქურქუმალებო, გაიცანით მამუკა მდინარაძე? ეჭვი მეპარება კარგად გაგეცნოთ
ასე იქნება ყველგან! მიიღებთ სიფათში ქართულ, კაცურ პასუხს! ამათ ქვეყნის არევა უნდათ, ქართველების სისხლის ღვრა სწყურიათ და რა თქმა უნდა მათი მხრიდან წამოსულ პროვოკაციას ვუპასუხებთ ათასჯერ ხისტად! მოვექცევით იმაზე უარესად, ვიდრე აქეთ დააპირებენ! ზოგი ამბობს, თმენის ვალდებულება, კორექტულობა და მსგავს იდიოტობებს! მიმიფურთხებია ყველა ჩინზე და მანდატზე, როდესაც გებრძვის შენი ქვეყნის მტერი, რომელსაც ომში უნდა ჩაითრიოს საქართველო! რა უფრო მნიშვნელოვანია, თმენის ვალდებულება თუ მშვიდობისთვის ბრძოლა ნებისმიერი, კანონიერი გზით? ამიტომ ჯერ სად ხართ! უბრალოდ გაკვირდებით, ისედაც იბანძებთ თავს და ხელი რატომ შეგიშალოთ? მერე მართლა განახებთ მივარდნას, შევარდნას და თქვენი ლიდერებისთვის დისკომფორტის შექმნას! პირველი ბლუკუნა დაპანჩურებული ვანოია იქნება, გარეთ თავს ვერ გამოყოფს, ისედაც შეშინებული იმალება! მოკლედ და კონკრეტულად რომ ვთქვათ, რასაც ჩვენს წინააღმდეგ განიზრახავთ, ათასჯერ უარესად და ხარისხიანად დაგიბრუნებთ" - წერს დიტო სამხარაძე.
შეგახსენებთ: ტელეკომპანია "იმედში" მისულ „ქართული ოცნების“ წევრს, მამუკა მდინარაძეს „ნაციონალური მოძრაობის“ აქტივისტები დახვდნენ.
მათ უმრავლესობის წევრს სიტყვიერი შეურაცხყოფა მიაყენეს და მდინარაძეს დაუპირისპირდნენ. აქტივისტები სკანდირებდნენ სიტყვებს: „რუსი ხარ“, „მონა ხარ“.
ადგილზე მობილიზებული იყო საპატრულო პოლიცია.
ინციდენტის ამსახველი ვიდეომასალა ერთ-ერთმა აქტივისტმა სოციალურ ქსელში გაავრცელა.
