საპატრიარქოდან სხდომის შემდეგ გამოსულმა არქიმანდრიტმა, ილია თოლორაიამ ჟურნალისტებთან საუბრისას განაცხადა, რომ სხდომაზე არ მისცეს სიტყვის ბოლომდე თქმის საშუალება, "ფაქტობრივად გამოაგდეს", ხოლო პატრიარქის მოსაყდრემ, მეუფე შიო მუჯირმა მოსთხოვა მოენანიებინა გაკეთებული განცხადებები, რადგან ამით შეურაცხყოფას აყენებდა პატრიარქს და ეკლესიას.
"მე არანაირ სინანულს არ ვითხოვ, მე განვმტიკდი იმ აზრზე, რომ რუსეთისგან ხარ მოგზავნილი". - ამ სიტყვებით თოლორაიამ მედიის საშუალებით მეუფე შიოს მიმართა.
"მეუფე შიომ მითხრა, რომ ჩემი განცხადებები იყო შეურაცხყოფა. თქვენ ეკლესიას და პატრიარქს შეურაცხყოფას აყენებ და უნდა მოინანიოო. თავიდან საუბარსაც თითქმის არ მაცდიდნენ, ჩემგან ითხოვდნენ ერთ სიტყვას - მოინანიე და გადი. მე ასე არ გავჩერდი, ვუთხარი, მათქმევინეთ სიტყვა. რაც ვთქვი ავხსნი-მეთქი. ვთქვი, რომ თქვენგან სიტყვა არ გამიგია იმაზე, რომ რუსეთი არის მტერი, ოკუპანტი, გინტურზე, ანწუხელიძეზე, ახალგაზრდები რომ დასისხლიანებულები არიან ქუჩაში, ერთი სიტყვა მათ დასაცავად თქვენგან არ გამიგია-მეთქი. მეუფემ მითხრა, მე მაქვს სიტყვა "ოკუპანტი" ნათქვამიო. ვუთხარი, ბოლო პერიოდში არსად არ გითქვამთ ეს სიტყვა.
მითხრეს, ან მოინანიე, ან ჩვენ ზომებს მივიღებთო. ამ დროს შემოდის მამა ანდრია და მეუბნება გადი გარეთო.
[...] ანუ ფაქტიურად გამომაგდეს, ბოლომდე არ მასაუბრეს, არ მოისმინეს ჩემი სიტყვები. გამომაგდეს და გამოსვლის დროს ანდრია ჯაღმაიძე მაწვება ხელით, მიჯიკავებს [...] თან ისეთი ტონით მესაუბრება, ალბათ, უშოშროებაში ისწავლა ეს ტონი.
[...] მე არანაირ სინანულს არ ვითხოვ, მე განვმტიკდი იმ აზრზე, რომ რუსეთისგან ხარ მოგზავნილი, ეს არის ჩემი პასუხი მეუფე შიოს. არ მოვინანიებ არასდროს. [...] მე პატრიარქთან ვითხოვ შეხვედრას". - თქვა თოლორაიამ.
