2026 წლის ბიუჯეტის პროექტის საბოლოო ვერსიაში გაზრდილია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ასიგნებები
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ასიგნებები განისაზღვრა 9 668,6 მლნ ლარით, რაც პროექტის წინა ვერსიასთან შედარებით გაზრდილია 47,9 მლნ ლარით, ხოლო 2025 წლის დამტკიცებულ გეგმას 848.6 მლნ ლარით აღემატება.
მოსახლეობის სოციალური დაცვა - 6 931.4 მლნ ლარი, რაც 2025 წლის დამტკიცებულ გეგმასთან შედარებით გაზრდილია 577,9 მლნ ლარით. მათ შორის:
• 70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება;
• 70 წლამდე პირთა პენსია იზრდება 20 ლარით და განისაზღვრება 370 ლარის ოდენობით, ხოლო მაღალმთიან დასახლებებში 444 ლარი იქნება;
• ბიუჯეტში გათვალისწინებულია მკვეთრად გამოხატული და 18 წლამდე შშმ პირების სოციალური გასაცემლის ზრდა 45 ლარით, ხოლო დანარჩენი კატეგორიის შშმ პირთა გასაცემლის ზრდა 20 ლარით;
o სოციალური შეღავათები მაღალმთიან დასახლებაში განსაზღვრულია - 134,5 მლნ ლარით. პენსიის ზრდის შესაბამისად იზრდება საპენსიო დანამატის მოცულობაც;
o სოციალური რეაბილიტაციისა და ბავშვზე ზრუნვის პროგრამის დაფინანსება, იზრდება დამატებით 12,5 მლნ ლარით მლნ ლარით და შეადგენს 124,5 მლნ ლარს.
მოსახლეობის ჯანმრთელობის დაცვა - 2 219,9 მლნ ლარი, მათ შორის საყოველთაო ჯანდაცვის დაფინანსება შეადგენს 1 500,0 მლნ ლარს, რაც პროექტის წინა ვერსიასთან შედარებით 150,0 მლნ ლარით იზრდება. პროგრამის ფარგლებში გათვალისწინებულია პირველადი ჯანდაცვის პერსონალის ხელფასების ზრდა.
სამედიცინო დაწესებულებათა რეაბილიტაცია და აღჭურვა - 80,0 მლნ ლარი.
შრომისა და დასაქმების სისტემის რეფორმების პროგრამა - 21,6 მლნ ლარი.
იძულებით გადაადგილებულ პირთა და მიგრანტთა ხელშეწყობა - 263,7 მლნ ლარი.
