უკრაინის პრეზიდენტი ვოლოდიმირ ზელენსკი სოციალურ ქსელში წერს, რომ დელეგაცია აშშ-ში სამშვიდობო მოლაპარაკებებისთვის მიემგზავრება.
უკრაინის პრეზიდენტი წერს, რომ დელეგაციის ამოცანა ნათელია: „სწრაფად და კონკრეტულად შეიმუშაოს ომის დასასრულებლად საჭირო ნაბიჯები“.
უკრაინა აგრძელებს ამერიკასთან მაქსიმალურად კონსტრუქციულ თანამშრომლობას და ჩვენ ველით, რომ ჟენევის შეხვედრების შედეგები ახლა შეერთებულ შტატებში დაიხვეწება. უკრაინა ღირსეული მშვიდობისთვის მუშაობს. დიდება უკრაინას! - დასძენს ზელენსკი.
უკრაინის პრეზიდენტის განკარგულებით სამშვიდობო მოლაპარაკებისთვის შეერთებულ შტატებში მივლინებული უკრაინის დელეგაციის ხელმძღვანელად დანიშნულია უკრაინის ეროვნული უსაფრთხოების და თავდაცვის საბჭოს მდივანი რუსტემ უმეროვი.
