უკრაინის პრეზიდენტმა ვლადიმერ ზელენსკიმ უპასუხა სლოვაკეთის პრემიერ-მინისტრ რობერტ ფიცოს მუქარას უკრაინისთვის ელექტროენერგიის მიწოდების შეწყვეტაზე.
უკრაინის პრეზიდენტმა ვოლოდიმირ ზელენსკიმ ხაზგასმით აღნიშნა, რომ უკრაინის ელექტროენერგიის იმპორტის საჭიროება წარმოიშვა მხოლოდ რუსეთის მიერ ზაპოროჟიეს ატომური ელექტროსადგურის ოკუპაციისა და რუსეთის მიერ უკრაინის ენერგეტიკული ინფრასტრუქტურის მიზანმიმართული განადგურების გამო.
„როგორც ჩანს, პუტინმა დაავალა ფიცოს, გაეხსნა მეორე ენერგეტიკული ფრონტი უკრაინის წინააღმდეგ სლოვაკეთის ხალხის ინტერესების ხარჯზე, მხოლოდ ამას შეიძლება ნიშნავდეს ფიცოს მუქარა, რუსეთის თავდასხმების პირობებში, ზამთარში, უკრაინისთვის ელექტროენერგიის გადაუდებლად საჭირო მიწოდების შეწყვეტაზე", - აღნიშნა უკრაინის პრეზიდენტმა.
ზელენსკი ფიცოს მიმართავს და ამბობს, რომ „კრიმინალური რუსული აგრესიის მხარდაჭერა აბსოლუტურად ამორალურია“.
„ფიცოს შორსმჭვრეტელმა პოლიტიკამ უკვე დატოვა სლოვაკეთის ხალხი რუსული გაზის ტრანზიტის დაკარგვისთვის კომპენსაციის გარეშე და ასევე შეიძლება დატოვოს სლოვაკეთის მოსახლეობა ყოველწლიურად მინიმუმ 200 მილიონი დოლარის გარეშე, რომელსაც უკრაინა იხდის იმპორტირებულ ელექტროენერგიაში“, - დასძინა ზელენსკიმ.
მისი თქმით, სლოვაკეთის წილი ელექტროენერგიის იმპორტში უკრაინაში დაახლოებით 19%-ია და ახლა უკრაინის მთავრობა მუშაობს ევროკავშირის მეზობელ ქვეყნებთან ელექტროენერგიის საჭირო მოცულობის შესანარჩუნებლად.
„სლოვაკეთი არის ერთიანი ევროპული ენერგეტიკული ბაზრის ნაწილი და ფიცომ პატივი უნდა სცეს საერთო ევროპულ წესებს. ბრატისლავის ნებისმიერი თვითნებური გადაწყვეტილება ან მოსკოვის ბრძანება ფიცოსადმი <უკრაინისთვის ელექტროენერგიის მიწოდების შეწყვეტის კუთხით> არ გამოიწვევს უკრაინაში ელექტროენერგიის იმპორტის შეჩერებას, მაგრამ ნამდვილად შეიძლება წარმოშვას განხეთქილება ევროპულ საზოგადოებას და სლოვაკეთის ამჟამინდელი ხელისუფლებას შორის“, - განაცხადა ზელენსკიმ.
