უკრაინის პრეზიდენტი ვოლოდიმირ ზელენსკი აცხადებს, რომ ქვეყანამ პირველად გამოიყენა საკუთარი ტაქტიკური ბალისტიკური რაკეტა. ზელენსკიმ სოციალურ ქსელში შესაბამისი ვიდეოც გაავრცელა.

„უკრაინული ტაქტიკური ბალისტიკური რაკეტა. FP-7. პირველი საბრძოლო გამოყენება. მადლობა შედეგისთვის“, – წერს უკრაინის პრეზიდენტი.

ზელენსკის თქმით, შემდეგი ნაბიჯი ამ რაკეტების წარმოება იქნება. უკრაინის პრეზიდენტს დამატებითი დეტალები არ გაუვრცელებია.

ცნობისთვის, FP-7 უკრაინულმა კომპანია Fire Point-მა შეიმუშავა. რაკეტას შეუძლია, წამში 1500 მეტრამდე სიჩქარე განავითაროს.