უკრაინის პრეზიდენტის პრესსპიკერმა სერგეი ნიკიფოროვმა განაცხადა, რომ პრეზიდენტი ვოლოდიმირ ზელენსკი სამშაბათს პარიზში "მსურველთა კოალიციის" შეხვედრაზე დასასწრებად ჩავიდა.
ნიკიფოროვის თქმით, ზელენსკი თავდაპირველად ემანუელ მაკრონთან ცალკე შეხვედრას გამართავს, შემდეგ კი აშშ-ის პრეზიდენტის წარმომადგენელთან, სტივ უიტკოფთან და დონალდ ტრამპის სიძესთან ჯარედ კუშნერთან ერთობლივ შეხვედრას გამართავს.
"მსურველთა კოალიცია" ადგილობრივი დროით 15:00 საათზე შეიკრიბება, ყველა გამოსვლა დახურულ კარს მიღმა გაიმართება.
თბილისის დროით 21:15 საათზე უკრაინის პრეზიდენტ ვოლოდიმირ ზელენსკის, საფრანგეთის პრეზიდენტ ემანუელ მაკრონის, დიდი ბრიტანეთის პრემიერ-მინისტრ კირ სტარმერისა და გერმანიის კანცლერ ფრიდრიხ მერცის ერთობლივი პრესკონფერენცია გაიმართება.
საღამოს ასევე გაიმართება ცალკე შეხვედრა პრეზიდენტის ხელმძღვანელობით უკრაინის მომლაპარაკებელთა გუნდსა და ამერიკულ დელეგაციას შორის.
