თეთრი სახლის პრესმდივანმა კეროლაინ ლივიტმა განაცხადა, რომ შვეიცარიის ქალაქ ჟენევაში გამართული მოლაპარაკებების შემდეგ პრეზიდენტი დონალდ ტრამპი „იმედიანად და ოპტიმისტურად არის განწყობილი“ რუსეთსა და უკრაინას შორის ომის დასრულების შეთანხმების მიღწევის შესაძლებლობის მიმართ.
კვირას დილით ტრამპმა სოციალურ ქსელში პოსტში გამოთქვა იმედგაცრუება გაჭიანურებული ომის და იმ ფაქტის გამო, რომ ომის დასრულებისკენ მისი ძალისხმევისთვის უკრაინამ „არ გამოხატა მადლიერება“.
„პრეზიდენტმა ეს განცხადება შაბათ-კვირას გააკეთა და მას შემდეგ პრეზიდენტის ეროვნული უსაფრთხოების გუნდსა და უკრაინის დელეგაციას შორის ძალიან პროდუქტიული დისკუსიები გაიმართა“, - განუცხადა ლივიტმა Fox News-ს ორშაბათს საღამოს.
მისი თქმით, სახელმწიფო მდივანმა მარკო რუბიომ და სპეციალურმა წარმომადგენელმა სტივ ვიტკოფმა კვირა დღე ჟენევაში გაატარეს, სადაც აშშ-ს მიერ მხარდაჭერილ სამშვიდობო გეგმაზე იმსჯელეს, „როგორც რუსული, ასევე უკრაინული მხარის მონაწილეობით“ და მათ მოახერხეს „ზოგიერთი პუნქტის საბოლოოდ შეთანხმება და ახლა მხოლოდ რამდენიმე უთანხმოებაა დარჩენილი, რომელზედაც ჩვენი გუნდები აგრძელებენ მუშაობას“.
პრეზიდენტი დონალდ ტრამპი „ოპტიმიზმს და იმედის ინარჩუნებს და მე ვიცი, რომ ჩვენი გუნდები სადღეღამისო რეჟიმში განმავლობაში მუშაობენ, რათა მიაღწიონ შეთანხმებას.
ინტერვიუს შემდეგ თეთრი სახლის გარეთ ჟურნალისტებთან საუბრისას, ლივიტმა განაცხადა, რომ ტრამპის შეხვედრა უკრაინის პრეზიდენტ ვოლოდიმირ ზელენსკისთან დაგეგმილი არაა.
