იტალიელმა არქეოლოგებმა და წყალქვეშა მკვლევრებმა სიცილიის სანაპიროებთან უძველესი ჩაძირული გემი აღმოაჩინეს. ხომალდის ბორტზე დიდი რაოდენობით კარგად შემონახული ანტიკური ამფორებია ნაპოვნი.
გემზე აღმოჩენილია ათეულობით ტრადიციული ამფორა. ანტიკურ პერიოდში მსგავსი ჭურჭელი ძირითადად ღვინის, ზეითუნის ზეთისა და სხვადასხვა სასოფლო-სამეურნეო პროდუქტის საზღვაო ტრანსპორტირებისთვის გამოიყენებოდა.
მკვლევართა წინასწარი შეფასებით, მიუხედავად იმისა, რომ ხომალდი საუკუნეების განმავლობაში ზღვის ფსკერზე იმყოფებოდა, არტეფაქტების მნიშვნელოვანი ნაწილი საკმაოდ კარგადაა შემონახული.
ჩაძირული ხომალდის ზუსტი კოორდინატები, არქეოლოგიური ძეგლის ვანდალიზმისგან დაცვის მიზნით, ამ ეტაპზე საიდუმლოდ რჩება.
მსგავსი აღმოჩენები უდიდეს როლს თამაშობს ანტიკური სამყაროს ეკონომიკისა და ნავიგაციის შესასწავლად. სპეციალისტების განმარტებით, აღნიშნული ხომალდი და მისი ტვირთი მეცნიერებს დაეხმარება ხმელთაშუა ზღვის აუზში არსებული უძველესი სავაჭრო მარშრუტების, კომერციული კავშირებისა და იმპორტ-ექსპორტის დინამიკის უკეთ გააზრებაში.
