რუსეთმა უკრაინაზე მორიგი სარაკეტო იერიში მიიტანა. დნეპროპეტროვსკის ოლქში დაიღუპა, სულ მცირე, 8 ადამიანი.
ადგილობრივი ხელისუფლების წინასწარი მონაცემებით, ქალაქ დნიპროში დაიღუპა 2, ხოლო ქალაქ სინელნიკოვოში 6 ადამიანი. ამ ქალაქებსა და კრივოი-როგში დაჭრილია 20-მდე ადამიანი.
დნეპროპეტროვსკის საოლქო სამხედრო ადმინისტრაციის მონაცემებით, დაზიანებულია მრავალბინიანი და კერძო სახლები.
