რუსეთის საოკუპაციო ძალების მიერ კიევსა და კიევის ოლქზე განხორციელებული მასიური სარაკეტო და დრონებით იერიშის შედეგად, ბოლო ოფიციალური მონაცემებით, 12 ადამიანი დაიღუპა (მათ შორის, 8 კიევში და რამდენიმე - ოლქში), ხოლო ათობით ადამიანი დაშავდა.
დედაქალაქში ძირითადი დარტყმები სოციალურ და სამოქალაქო ინფრასტრუქტურაზე მოხდა. სარაკეტო იერიშის შედეგად დაზიანდა სარკინიგზო ინფრასტრუქტურა — კერძოდ, დარტყმა მოხდა სარკინიგზო დეპოზე, სადაც "უკრზალიზნიცას" თანამშრომლები დაიღუპნენ. დაზიანდა მრავალბინიანი საცხოვრებელი სახლები, გაჩნდა ხანძრები.
კიევის ოლქში საჰაერო იერიშმა დააზიანა მრავალბინიანი და კერძო საცხოვრებელი სახლები ბორისპოლში, სადაც მოსახლეობის ევაკუაცია გახდა საჭირო. ასევე დაზიანდა საწარმოო ობიექტები ბროვარისა და ბუჩის რაიონებში.
სამაშველო სამსახურები და ექიმები დაზარალებულ ტერიტორიებზე ამ დრომდე მუშაობენ, ნგრევის სალიკვიდაციო და დახმარების სამუშაოები გრძელდება.
