Reuters-ის ცნობით, ჩრდილოატლანტიკური ალიანსის (NATO) ძალებმა და სადაზვერვო სტრუქტურებმა რუსეთის მიერ არქტიკის რეგიონში დაგეგმილი ფართომასშტაბიანი დივერსიული ოპერაცია ჩაშალეს.
დასავლური დაზვერვის მონაცემებზე დაყრდნობით, რუსული მხარე არქტიკულ ზონაში კრიტიკული ინფრასტრუქტურის, მათ შორის წყალქვეშა და ენერგეტიკული კომუნიკაციების წინააღმდეგ მიმართულ ფარულ ოპერაციას ამზადებდა. გეგმა მიზნად ისახავდა რეგიონში უსაფრთხოების დესტაბილიზაციას და სტრატეგიული ობიექტების მუშაობის შეფერხებას.
NATO-ს წევრმა ქვეყნებმა, ოპერატიული ინფორმაციის გაზიარებისა და ერთობლივი მონიტორინგის შედეგად, დროულად გამოავლინეს და აღკვეთეს რუსეთის მცდელობა. აღნიშნული ინციდენტი კიდევ ერთხელ უსვამს ხაზს არქტიკული რეგიონის გეოპოლიტიკურ მნიშვნელობასა და იქ არსებულ მაღალ უსაფრთხოების რისკებს.
