Reuters-ის ექსკლუზიური ინფორმაციით, პრეზიდენტ დონალდ ტრამპის ადმინისტრაცია აპირებს, აღმასრულებელი ბრძანება გამოსცეს, რომელიც სამხედრო აღჭურვილობის ექსპორტის მარეგულირებელ წესებს გაამარტივებს. საკითხზე ინფორმირებული ოთხი წყაროს ცნობით, ბრძანება შესაძლოა, 1-ელ ან 2 აპრილს გამოაცხადონ.
Reuters-ის წყაროების თქმით, ტრამპის ბრძანება წინა წელს თეთრი სახლის ეროვნული უსაფრთხოების მრჩევლის, მაიკ უოლცის, მიერ წარდგენილ კანონპროექტის მსგავსი იქნება, როდესაც უოლცი წარმომადგენელთა პალატის რესპუბლიკელი კონგრესმენი იყო.
უოლცის კანონპროექტი, რომელიც კონგრესში ვერ გავიდა, გულისხმობდა აშშ-ს იარაღის ექსპორტის კონტროლის აქტის შესწორებას ითვალისწინებდა, რათა გაზრდილიყო მინიმალური ფულადი ზღვარი, რომლის გადაჭარბებაც კონგრესის მხრიდან სხვა ქვეყნებში იარაღის ექსპორტის გადახედვას იწვევს.
აღნიშნული კანონპროექტით შეიარაღების ტრანსფერზე ზღვარი $14 მილიონიდან $23 მილიონამდე გაიზრდებოდა, ხოლო სამხედრო აღჭურვილობის გასაყიდად, მათი გაახლებისთვის, ასევე ტრენინგისა და სხვა სახის მომსახურების გაწევისთვის ზღვარი %50 მილიონიდან $83 მილიონამდე გაიზრდებოდა.
Reuters წერს, რომ პირველი ვადით პრეზიდენტობის დროს ტრამპი ხშირად გამოთქვამდა უკმაყოფილებას კონგრესმენების მიმართ, რადგან უცხოეთში შეიარაღების გაყიდვაზე პროცესი ადამიანის უფლებებისა თუ სხვა საკითხების გამო გვიანდებოდა.
