ირანის არცთუ ისე უზენაესი ლიდერი დაჭრილი და სავარაუდოდ, დასახიჩრებულია, - ამის შესახებ აშშ-ს ომის მინისტრმა, პიტ ჰეგსეთმა განაცხადა.
"ირანის ხელმძღვანელობა ცუდ მდგომარეობაშია. სასოწარკვეთილები მალვაში მიწისქვეშ გაიქცნენ და იქ შიშით იმალებიან. ვირთხები ასე იქცევიან. ჩვენ ვიცით, რომ ახალი, ე.წ. არცთუ ისე უზენაესი ლიდერი დაჭრილია და სავარაუდოდ, დასახიჩრებულია.
მან გუშინ განცხადება გაავრცელა, სინამდვილეში, სუსტი განცხადება, მაგრამ არ გავრცელებულა არც ხმოვანი და არც ვიდეო მასალა. ეს იყო წერილობითი განცხადება. მან ერთიანობისკენ მოუწოდა. როგორც ჩანს, ათიათასობით მომიტინგის მოკვლა მისთვის ერთიანობის მიღწევის გზაა.
ირანს უამრავი კამერა და უამრავი ხმის ჩამწერი აქვს. რატომ წერილობითი განცხადება? ვფიქრობ, იცით რატომაც. მისი მამა მკვდარია. ის შეშინებულია, დაჭრილია, გაქცევაშია და ლეგიტიმურობა აკლია. ისინი სრულ ქაოსში არიან. ვინ არის სათავეში? შესაძლოა თვითონ ირანმაც კი არ იცოდეს", - განაცხადა ჰეგსეთმა.
