აშშ-ს პრეზიდენტმა, დონალდ ტრამპმა, CIA-ს ვენესუელის ტერიტორიაზე საიდუმლო სპეცოპერაციების წარმოების უფლება მისცა. ინფორმაციას გამოცემა The New York Times რამდენიმე წყაროზე დაყრდნობით ავრცელებს.
სტატიის მიხედვით, მადუროსა და აშშ-ს სპეცსამსახურებს შორის მოლაპარაკებები შედგა, რომელზედაც ვენესუელის პრეზიდენტმა უახლოეს ორ წელში საკუთარი ნებით გადადგომის სურვილი გამოთქვა, რაზედაც ამერიკელებისგან უარი მიიღო.
ნებისმიერ შემთხვევაში CIA-ს ოპერაციები სამხედრო ქმედებებზე ადრე ჩატარდება.
სტატიაში ასევე წერია, რომ სამხედროებმა ნარკოტიკების მწარმოებელი იმ ქარხნების სავარაუდო ადგილმდებარეობები წარმოადგინეს, რომლებზეც აშშ დარტყმას მიიტანენ.
თეთრი სახლისა და CIA-ს წარმომადგენლებმა კომენტარის გაკეთებაზე უარი თქვეს.
