სომხეთის პრემიერი ნიკოლ ფაშინიანი აცხადებს,რომ 9 მაისს რუსეთში დაგეგმილ ღონისძიებებს არ დაესწრება.
ნიკოლ ფაშინიანის განცხადებით, სომხეთში მიმდინარე საარჩევნო კამპანიის გამო, 9 მაისს მოსკოვში, მეორე მსოფლიო ომში გამარჯვების დღისადმი მიძღვნილ სამხედრო აღლუმს არ დაესწრება.
მისი თქმით, ამის შესახებ რუსეთის პრეზიდენტს უკვე აცნობა.
"ამის შესახებ რუსეთის პრეზიდენტს აპრილში ვიზიტის დროს ვაცნობე", - აღნიშნა სომხეთის პრემიერ-მინისტრმა.
სომხეთში საპარლამენტო არჩევნები 7 ივნისს გაიმართება.
