ისრაელის თავდაცვის მინისტრ იოავ გალანტის განცხადებით, ისრაელის არმიამ ჩრდილოეთისა და სამხრეთის მიმართულებებით "ჰამასის" თავდაცვის ხაზი გაარღვია და ჩრდილოეთ ღაზას მიწისზედა ტერიტორიას, მათ შორის ქალაქ ღაზას აკონტროლებს.
"არმიას უფლება მივეცი, განაგრძოს წინსვლა, როგორც დღეს, ასევე უახლოეს დღეებში, რათა შეასრულოს ამოცანები. არ იარსებებს უსაფრთხო ადგილი მანამ, სანამ არ დავასრულებთ ჩვენს მისიას და არ დავაბრუნებთ მძევლებს", - აცხადებს გალანტი.
