ვოლოდიმირ ზელენსკი მართალია, ცეცხლის შეწყვეტა გარანტიების გარეშე არის გზა მთლიანი ევროპული კონტინენტის რუსული ოკუპაციისკენ, – ამის შესახებ უკრაინის პრემიერ-მინისტრმა, დენის შმიგალმა სოციალურ ქსელში დაწერა.
შმიგალი გამოეხმაურა აშშ-ს პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის თეთრ სახლში გამართულ შეხვედრას.
„პრეზიდენტი ზელენსკი მართალია. მშვიდობა გარანტიების გარეშე შეუძლებელია. ცეცხლის შეწყვეტა გარანტიების გარეშე არის გზა მთლიანი ევროპული კონტინენტის რუსული ოკუპაციისკენ“, – დაწერა შმიგალმა.
თეთრ სახლში აშშ-ს პრეზიდენტ დონალდ ტრამპს, ვიცე-პრეზიდენტ ჯეი დი ვენსა და უკრაინის პრეზიდენტ ვოლოდიმირ ზელესკის შორის შეხვედრა კამათის ფონზე წარიმართა, რის შემდეგაც პრესკონფერენცია გაუქმდა, უკრაინის პრეზიდენტმა კი თეთრი სახლი დატოვა. ამასთან, შეხვედრის შესახებ დონალდ ტრამპმა სოციალურ ქსელში დაწერა: „ზელენსკი მზად არ არის მშვიდობისთვის, ის პატივს არ სცემს ამერიკელ ხალხს ოვალურ კაბინეტში, შეუძლია, დაბრუნდეს მაშინ, როცა მშვიდობისთვის მზად იქნება“.
თარგმანი: პირველი არხი
