აშშ-მა ომანის ყურეში კიდევ ერთ ნავთობტანკერს დაარტყა

სარდლობის ცნობით, გვინეა-ბისაუს დროშის ქვეშ მცურავ ტანკერ  MT Jalveer-ს ირანულ ნავთობს გადაჰქონდა და ირანის პორტების ბლოკადის დარღვევას ცდილობდა.

"აშშ-ის სამხედრო ავიაციამ გემის ძრავის განყოფილებას ორი Hellfire-ის ტიპის რაკეტა ესროლა მას შემდეგ, რაც ეკიპაჟმა არაერთგზის უგულებელყო აშშ-ის ძალების მითითებები", - ნათქვამია სარდლობის განცხადებაში.

ეს უკვე მესამე გემია ბოლო ოთხი დღის განმავლობაში, რომელსაც აშშ-მა დაარტყა და რომლის ეკიპაჟის მნიშვნელოვანი ნაწილი ინდოეთის მოქალაქეებისგან შედგებოდა. გუშინ ტანკერ MT Settebello-ზე განხორციელებული დარტყმის შედეგად ინდოეთის სამი მოქალაქე დაიღუპა.