აშშ-ის ეროვნული დაზვერვის უფროსმა, ტულსი გაბარდმა, საჯაროდ უარყო „როიტერის“ რეპორტაჟი, რომელიც, სავარაუდოდ, ანონიმურ აშშ-ის დაზვერვის წყაროებზე იყო დაფუძნებული და რომლის თანახმადაც, რუსეთის პრეზიდენტი ვლადიმერ პუტინის მიზანი მთელი უკრაინის ოკუპაცია, ევროპაში შეჭრა და ევროპის იმ ნაწილის დაბრუნებაა, რომელიც ყოფილი საბჭოთა იმპერიის გავლენის ქვეშ იყო. 

„ომისკენ შემგულიანებლები „დიფ სთეითიდან“ და მათი პროპაგანდისტული მასობრივი ინფორმაციის საშუალებები კვლავ ცდილობენ ძირი გამოუთხარონ პრეზიდენტ ტრამპის მცდელობებს, დაამყაროს მშვიდობა უკრაინაში - და, ფაქტობრივად, ევროპაში - იმ ცრუ მტკიცებით, რომ „ადამიანთა ჯგუფი აშშ-ის დაზვერვიდან“ ეთანხმება ევროკავშირის/ნატოს თვალსაზრისს, რომლის მიხედვითაც რუსეთის მიზანია ევროპაში შეჭრა/დაპყრობა (მათი ომის მომხრე პოლიტიკის მხარდაჭერის უზრუნველსაყოფად) და მას მხარს უჭერს. სიმართლე ისა, რომ „აშშ-ის სადაზვერვო სამსახურის“ შეფასებით, რუსეთს უკრაინის დაპყრობისა და ოკუპაციის შესაძლებლობაც კი არ აქვს, რომ აღარაფერი ვთქვათ ევროპაში „შეჭრასა და ოკუპაციაზე““, - წერს ტულსი გაბარდი X-ზე.


ტულსი გაბარდის  გამოეხმაურა რუსეთის პრეზიდენტის აშშ-თან მოლაპარაკებების სპეციალური წარმომადგენელი კირილ დმიტრიევი.

გაბარდმა გამოავლინა მესამე მსოფლიო ომის წამქეზებლები და მასშტაბური მედია მანქანა, რომელიც ქმნის ცრუ ნარატივებს და პოლიტიკის საფარქვეშ შიშს ნერგავს, - დაწერა მან X-ზე.