სირიაში ძლიერი აფეთქება მოხდა იმ სასტუმროს მიმდებარე ტერიტორიაზე, სადაც საფრანგეთის პრეზიდენტი ემანუელ მაკრონი ოფიციალური ვიზიტის ფარგლებში უნდა მისულიყო.
პირველადი ინფორმაციით, აფეთქება მაკრონის სასტუმროში გეგმურ მისვლამდე რამდენიმე საათით ადრე მოხდა. საფრანგეთის პრეზიდენტის უსაფრთხოების სამსახურისა და ადგილობრივი ძალების განცხადებით, თავად მაკრონი ინციდენტის დროს საფრთხეში არ ყოფილა და ის უსაფრთხო ადგილზე იმყოფება.
საფრანგეთის დელეგაციის დაცვის წევრებმა და ადგილობრივმა სამართალდამცველებმა სასტუმროს მიმდებარე პერიმეტრი სრულად ჩაკეტეს. მაკრონის გადაადგილების მარშრუტი და გრაფიკი დაუყოვნებლივ შეიცვალა.
აფეთქების შედეგად დაზიანდა მიმდებარე შენობები და ავტომობილები. ზუსტდება ინფორმაცია დაშავებულებისა და დაღუპულების შესახებ.
შემთხვევის ადგილზე მუშაობენ გამნაღმველები და სპეცსამსახურები. მომხდარზე პასუხისმგებლობა ჯერჯერობით არცერთ დაჯგუფებას არ აუღია.
საფრანგეთის ოფიციალური პირების განცხადებით, უსაფრთხოების რისკების მიუხედავად, ვიზიტის ფარგლებში დაგეგმილი უმაღლესი დონის შეხვედრების ნაწილი მკაცრად დაცულ ლოკაციებზე მაინც გაგრძელდება.
