ულტრამარჯვენე პარტია "ალტერნატივა გერმანიისთვის" (AfD) გერმანიის ფედერალური პრეზიდენტის პოსტზე ფეხბურთში მსოფლიოს ყოფილ ჩემპიონ თომას ბერთოლდს წარადგენს. ამის შესახებ პარტიის თანათავმჯდომარემ, ტინო ხრუპალამ განაცხადა.
მისი თქმით, გერმანიას სჭირდება ნამდვილად უპარტიო ფედერალური პრეზიდენტი, რომელიც ქვეყნის მოსახლეობაში ერთიანობის ახალ განცდას დაამკვიდრებს. ხრუპალამ ასევე დაამატა, რომ ბერთოლდი გერმანელებში პოპულარობით სარგებლობს და პანდემიის დროს კორონავირუსის გავრცელებასთან საბრძოლველად სახელმწიფოს ზომების წინააღმდეგ გამოდიოდა.
როგორც სააგენტო dpa წერს, AfD-ს მიერ საკუთარი კანდიდატის წარდგენას უფრო სიმბოლური მნიშვნელობა აქვს, რადგან ულტრამარჯვენე პარტიას ფედერალურ კრებაში უმრავლესობა არ გააჩნია.
2027 წლის 30 იანვარს გერმანიის ფედერალურმა კრებამ, რომლის შემადგენლობაშიც შედის ბუნდესტაგის 630 დეპუტატი და ფედერალური მხარეების ზუსტად იმდენივე ამომრჩეველი, უნდა მიიღოს გადაწყვეტილება, თუ ვინ შეცვლის ფრანკ-ვალტერ შტაინმაიერს ფედერალური პრეზიდენტის პოსტზე.
CDU/CSU-ის and SPD-ის კოალიციას ხმების უმრავლესობა აქვს. შტაინმაიერს ფედერალური პრეზიდენტის პოსტზე ორი ვადის ამოწურვის შემდეგ კანდიდატად კენჭისყრა აღარ შეეძლება.
მმართველმა ბლოკმა ფედერალური პრეზიდენტის პოსტზე ბავარიის ლანდტაგის თავმჯდომარე ილზე აიგნერი წარადგინა. 2008-2013 წლებში 61 წლის პოლიტიკოსი გერმანიის სოფლის მეურნეობის მინისტრის პოსტს იკავებდა.
