პარასკევს, საფონდო ბაზარი ზედიზედ მეორედ დაეცა მას შემდეგ, რაც ჩინეთმა საპასუხო ტარიფები დააწესა ამერიკულ საქონელზე. ჩინეთის ამ ნაბიჯმა გააჩინა შიში, რომ პრეზიდენტმა დონალდ ტრამპმა დაიწყო გლობალური სავაჭრო ომი, რომელიც გამოიწვევს რეცესიას.
პარასკევს, დოუ-ჯონსის ინდუსტრიული ინდექსი დაეცა 2 231.07 პუნქტით, ანუ 5.5%-ით, 38 314.86-მდე, რაც ყველაზე დიდი ვარდნაა 2020 წლის ივნისის შემდეგ. პარასკევის ვარდნა მოჰყვა ხუთშაბათის 1 679-პუნქტიან ვარდნას და ეს არის პირველი შემთხვევა, როდესაც ინდექსმა დაკარგა 1 500 პუნქტზე მეტი ზედიზედ ორი დღის განმავლობაში.
500 ადგილობრივი კომპანიის ინდექსი ანუ S&P 500 დაეცა 5,97%-ით 5074.08-მდე, რაც ყველაზე დიდი ვარდნაა 2020 წლის მარტის შემდეგ. ინდექსმა დაკარგა 4,84% ხუთშაბათს და ახლა 17%-ზე მეტით ნაკლებია მის ბოლო მაქსიმუმზე.
ნასდაქ-კომპოზიტი, სადაც შესულია არაერთი ისეთი ტექნოლოგიური კომპანია, რომელიც ყიდის და ამავდროულად აწარმოებს ჩინეთში, დაეცა 15587.79-მდე ანუ 5,8%-ით. ეს მოჰყვა ხუთშაბათის თითქმის 6%-იან ვარდნას და შედეგად დეკემბრის რეკორდი 22%-ით დაეცა, რაც უოლ-სტრიტის ენაზე ითარგმნება, როგორც „დათვის ბაზარი“.
პარასკევს კვლავ დაეცა ტექნოლოგიური კომპანიების აქციები.
აიფონის მწარმოებელი კომპანია „ელფის“ აქციები დაეცა 7%-ით, რამაც კვირის ზარალი 13%-მდე გაზარდა. ხელოვნური ინტელექტის ლიდერი კომპანია „ნვიდიას“ აქციები სესსის განმავლობაში 7% დაეცა, ხოლო „ტესლას“ აქციები 10%-ით. სამივე კომპანია დიდად არის დამოკიდებული ჩინეთზე და პეკინის საპასუხო ტარიფებმა ისინი ყველაზე მეტად დააზარალა.
ჩინეთის მსხვილი საექსპორტო პარტნიორების, „ბოინგის“ და „კატერპილარტის“ დოუ-ჯონსის ინდექსების შესაბამისად, 9%-ით და თითქმის 6%-ით ვარდნა.
„„ხარის ბაზარი“ მკვდარია და ის გაანადგურეს იდეოლოგებმა და თვითმიყენებულმა ჭრილობებმა“, - ამბობს ინვესტიციების მმართველი კომპანია Bowersock Capital Partners-ის აღმასრულებელი დირექტორმი და დამფუძნებელი პარტნიორი ემილი ბოუერსოკ ჰილი და დასძენს:
მიუხედავად იმისა, რომ მოკლევადიან პერსპექტივაში ვარდნა შეიძლება შეწყდეს, ჩვენ შეშფოთებულნი ვართ გლობალური სავაჭრო ომის გავლენით გრძელვადიან ეკონომიკურ ზრდაზე.
