იენს სტოლტენბერგი: უკრაინა გახდება NATO-ს წევრი

ამის შესახებ ალიანსის გენერალურმა მდივანმა იენს სტოლტენბერგმა განაცხადა.

მისი თქმით, ქვეყნის ალიანსში გაწევრიანებაზე ყველა მოკავშირემ თანხმობა განაცხადა. მან აგრეთვე აღნიშნა, რომ მონტენეგრო სულ რაღაც ორი წლის წინ გახდა NATO-ს წევრი ქვეყანა, ხოლო ჩრდილოეთ მაკედონია რამდენიმე თვეში გახდება.

„ბალტიისპირეთი – ვერავინ წარმოიდგენდა, რომ ისინი ალიანსის წევრები გახდებოდნენ“, – აცხადებს იენს სტოლტენბერგი.

გენერალურმა მდივანმა აგრეთვე ისაუბრა იმის შესახებ, რომ დაეხმარება უკრაინას იმ ყველა საჭირო რეფორმის განხორციელებაში, რაც ქვეყანას ჩრდილოატლანტიკურ ალიანსში გაწევრიანებისთვის სჭირდება.

31 ოქტომბერს გამართული სხდომის შემდეგ, ალიანსმა განაცხადა, რომ მხარს უჭერს გადაწყვეტილებას, რომელიც უკრაინის NATO-ში ნაადრევად გაწევრიანებას გულისხმობს. მოგვიანებით ცნობილი გახდა, რომ 2020 წელს ჩრდილოატლანტიკური ალიანსი და უკრაინა, შავ ზღვაზე ერთობლივ სწავლებებს განახორციელებენ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად