გიგა ბოკერია “ნაცმოძრაობიდან” წასულებზე: ეს ადამიანები უპასუხისმგებლოები აღმოჩნდნენ

"სამწუხაროდ, ეს არის ძალიან უპასუხისმგებლო, არასერიოზული, ინფანტილური გადაწყვეტილება, პოლიტიკაში ყოფნა, მთავარ ოპოზიციაში ყოფნა, ეს არის ძალიან სერიოზული პასუხისმგებლობა და ძალიან სამწუხაროა, რომ ზურაბ ჯაფარიძემ ამ პასუხისმგებლობას ვერ გაუძლო. ყველას ესმის, რომ ამით ბევრი არაფერი იცვლება, „ერთიანი ნაციონალური მოძრაობა“ არის ივანიშვილის რეჟიმის ერთადერთ ალტერნატივა, რომელსაც აქვს კონკრეტული გეგმა და უნარი, რომ ქვეყანა კრიზისიდან გამოიყვანოს“. – ასე გამოეხმაურა გიგა ბოკერია ნაცმოძრაობიდან ზურა ჯაფარიძის, გოგა ხაჩიძის, პავლე კუბლაშვილისა და გიორგი მელაძის წასვლას.

ამასთან ბოკერიამ უპასუხოდ დატოვა ჟურნალისტების კითხვა, აპირებენ თუ არა პარტიის უკვე ყოფილი წევრები, სხვა ფრაქციაში გადასვლას.

"არ ვაპირებ ასეთ სპეკულაციებზე წასვლას, სამწუხაროა უკვე ის, რომ ადამიანები ასეთი უპასუხისმგებლოები აღმოჩდნენ. თუმცა, ყველას ესმის რომ ეს არაფერს არ ცვლის“.- აღნიშნა გიგა ბოკერიამ. 

მან უპასუოდ დატოვა კითხვა, კონკრეტულად რა მიზეზით დატოვეს პარტია ხაჩიძემ, კუბლაშვილმა, მელაძემ და ჯაფარიძემ. ამ წუთებში "ნაციონალური მოძრაობის" სათაო ოფისში პარტიის ლიდერებსა და წევრებს შორის შეხვედრა გრძელდება.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად