პეტრე ცისკარიშვილი: ანაკლიის პორტის გადაქცევა უნდათ ნოვოროსიისკის პორტის დამატებად

„ჩვენ გვაქვს ძალიან მნიშვნელოვანი და საინტერესო კონფერენცია, სადაც მოწვეულები არიან არა პარტიული სტუმრები. ჩვენ გვაქვს საკმაოდ სერიოზული მიგნებები, რომელიც უკავშირდება ანაკლიის პორტის კომერციულ დანიშნულებას, რა შეიძლება ეს იყოს, ვისი ინტერესები შეიძლება აქ იყოს გარდა ჩინეთისა, რომელიც უკვე იკვეთება და ეს სამწუხაროდ, როგორც ჩანს და როგორც ანალიტიკა გვეუბნება არის რუსული ინტერესები. მოდი პირდაპირ ვთქვათ, რომ ანაკლიის პორტის გადაქცევა უნდათ ნოვოროსიისკის პორტის დამატებად, რადგან ნოვოროსიისკის პორტი თავისი ე.წ. ცენტრალური ჰაბის დანიშნულებით ვეღარ ერევა იმ ტვირთებს, რომელიც შემოდის აღმოსავლეთ სანაპიროზე შავ ზღვაში და რუსეთის პორტებში ნაწილდება შემდეგ ნოვოროსიისკიდან.

დაახლოებით 12 პორტია რუსეთში, რომელიც სანქცირებულია, რომელიც შედარებით მცირე ზომის არის, ვიდრე აღნიშნული პორტი ნოვოროსიისკის და ანაკლიის პორტი უნდათ იმისათვის, რომ ემსახუროს ნოვოროსიისკს, როგორც მისი დამატებითი ფილიალი, რომელიც გადაანაწილებს ტვირთებს რუსეთის იმ 12 პორტში, რომელიც არის სანქცირებული და რომელიც ვერ იღებს დიდი ზომის გემებს, რადგან არ არის ღრმაწყლოვანი პორტები ისევე როგორც არის ნოვოროსიისკის პორტი. ამის გარდა, ეს აღნიშნული პორტი დიდწილად, დაახლოებით 70 პროცენტის ოდენობით ემსახურება თხევად ტვირთებს, აქედან გამომდინარე მშრალი ტვირთების გადაზიდვაზე ნოვოროსიისკის პორტს სჭირდება დამატებითი სიმძლავრეები და შემოიყვანეს ანაკლიის პორტი. აქ იკვრება სამკუთხედი, ერთის მხრივ არის ივანიშვილი თავის ბიზნეს კომერციული ინტერესებით, მეორე მხარეს ჩაჯდა ჩინეთი და მესამე არის მოსკოვი, ამ სამკუთხედში უნდათ, რომ იმოძრაონ თავისი ბიზნეს კომერციული ინტერესებით და პოლიტიკური ზონაც ზუსტად ამ სამკუთხედში შემოიფარგლოს, დასავლეთთან, აშშ-თან, შავი ზღვის უსაფრთხოების აქტთან ამ პროექტს არანაირი საერთო არ აქვს, მიუხედავად ჩვენი დასავლელი პარტნიორების მოწოდებისა და დააკვირდით, რომ 49 პროცენტი ავანსად მისცეს ჩინურ მხარეს, ამ 49 პროცენტის სანაცვლოდ მათ მოაქვთ ფული, მათ პირიქით, ფული უნდა გადავუხადოთ საკონტრაქტო თანხები იმისათვის, რომ სამშენებლო სამუშაოები განახორციელონ.

რა ტიპის ხელშეკრულება იდება ესეც არ არის გამჭვირვალე, ესეც არ არის არავისთვის ცნობილი. 51 პროცენტს რომ იტოვებს საქართველო ამ მომენტისთვის, შემდგომი თვეების ან 1-2 წლის განმავლობაში, თუ ესენი ხელისუფლებაში დარჩნენ, რამდენი პროცენტის გასხვისება მოუწევთ იმისათვის, რომ რამდენიმე მილიარდიან ინვესტიციაზე გავიდეს ან იმ თანხაზე, რაც სჭირდება ანაკლიის პროექტს დასასრულებლად, ესეც კითხვის ნიშნის ქვეშ არის, ესეც არ ვიცით, რადგან დიდი ალბათობა არის იმისა, რომ შემოვლენ ივანიშვილის ოფშორული კომპანიები, რუსული ფირმები და ამ 51 პროცენტიდან, რაც დღეს საქართველოს ეკუთვნის, აითვისებენ 10-15-20 პროცენტს და საქართველო როგორც სახელმწიფო აღარ იქნება გადაწყვეტილების მიმღები ანაკლიის პორტში. განაცხადა პეტრე ცისკარიშვილმა