აკია ცოცხალია დღეს და სასწრაფოდ უნდა დაიკითხოს ვინ გასცა ბრძანება პოზიციების მიტოვების! - ამის შესახებ ყოფილი დეპუტატი ემზარ კვიციანი სოციალურ ქსელში წერს და გენერალ გუჯარ ყურაშვილის ვიდეო ინტერვიუს ნაწყვეტს აქვეყნებს, სადაც ის საუბრობს, როგორ გაიპარა აკია ბარბაქაძე აფხაზეთში ბრძოლის ველიდან
"აკია ცოცხალია დღეს და სასწრაფოდ უნდა დაიკითხოს ვინ გასცა ბრძანება პოზიციების მიტოვების!ქართული სუსი რომ გვყავდეს ძიება დიდი ხნის დაწყებული იქნებოდა ამ ინტერვიუს მერე! მაგრამ სადაა სუსი და კაი ცხოვრება!!!გუჯარი ყოველთვის გამოირჩეოდა ვაჟკაცობით, რაც გავიცანი დღემდე!" - წერს ემზარ კვიციანი.
ცნობისათვის: გენერალი გუჯარ ყურაშვილი სამხედრო პირი 1968 წელს გახდა. მას შემდეგ იბრძოდა ყველგან, სადაც კი საბჭოთა კავშირის ჯარისკაცმა ჩექმა დადგა - 5 ქვეყანაში მრავალ საიდუმლო საბრძოლო ოპერაციაში მიიღო მონაწილეობა. 1992 წლის თებერვალში რუსეთის არმიის პოლკოვნიკი და კორპუსის მეთაური ყურაშვილი პენსიაზე გადის და საქართველოში ბრუნდება, სადაც შინაგანი ჯარის ბრიგადის მეთაური ხდება.
აფხაზეთის ომში, გუმისთის ფრონტის სარდლობისას, მოწინააღმდეგის დესანტის განადგურებისთვის გენერლის წოდება მიენიჭა. ვარდიკო ნადიბაიძის მინისტრობისას მისი კარიერა შეფერხდა: ნადიბაიძემ სახმელეთო ჯარები დაშალა და მისი სარდალი ყურაშვილი თანამდებობის გარეშე დარჩა. როგორც ყურაშვილი ამბობს, იგი შიდა სტრუქტურულ ინტრიგებს შეეწირა, რადგან ხელმძღვანელობას არმიის ქონებისა და ხაზინის ძარცვაში უშლიდა ხელს.
