მარინ ლე პენი, რომელსაც პარიზის სასამართლომ ოთხი წლით თავისუფლების აღკვეთა მიუსაჯა და 5 წლის ვადით აუკრძალა საჯარო თანამდებობის დაკავება, ცოტა ხნის წინ ფრანგულ საინფორმაციო ტელეარხ TF1-ს სტუმრობდა.
საფრანგეთის მეხუთე რესპუბლიკის პრეზიდენტი შარლ დე გოლმა თქვა, რომ უზენაესი სასამართლო - ხალხია. არცერთ მოსამართლეს არ შეუძლია ჩაერიოს ასეთ მნიშვნელოვან საპრეზიდენტო არჩევნებში, მით უფრო, როცა ეს კანონის დარღვევით ხდება, - განაცხადა ტელეარხ TF1ზე სტუმრად მყოფმა მარინ ლე პენმა.
სასამართლომ პოლიტიკური გადაწყვეტილება გამოიტანა. საჯარო თანამდებობის დაკავების უფლების დაუყოვნებლივ ჩამორთმევის შესახებ გადაწყვეტილებით დაირღვა კანონის უზენაესობა. მოსამართლემ მიზნად დაისახა ამ საკითხზე ჩემი საჩივარი უსარგებლო გამხდარიყო. მე გავასაჩივრებ, რადგან უდანაშაულო ვარ. მე ამომშალეს, მაგრამ სინამდვილეში მილიონობით ფრანგის ხმა ამორიცხეს. ეს ჩვენი დემოკრატიისთვის საბედისწერო დღეა. ვგმობ პრაქტიკას, რომელიც ჩვენ გვეგონა, რომ მხოლოდ ავტორიტარული რეჟიმებისთვის იყო დამახასიათებელი. მე მებრძოლი ვარ და არ მივცემ თავს უფლებას ასე ადვილად გამანადგურონ. არ ვარ მზად ასე ადვილად შევეგუო დემოკრატიის ხელყოფას. სამართლიანობა სწრაფად უნდა აღსრულდეს, საჩივარი რაც შეიძლება მალე უნდა განიხილონ. მე არ ვარ დემორალიზებული, მე ვარ აღშფოთებული, - თქვა მარინ ლე პენმა.
ჟილ ბულოს კითხვას, ხომ არ აპირებს იგი პოლიტიკიდან წასვლას, მარინ ლე პენმა უპასუხა:
„არავითარ შემთხვევაში“.
საპრეზიდენტო არჩევნებისთვის გეგმა B-ს საჭიროების და მისი შესაძლო გამოყენების შესახებ საუბრისას მარინ ლე პენმა განაცხადა:
„ჯორდან ბარდელა არის უზარმაზარი აქტივი მოძრაობისთვის და მე ამას დიდი ხანია ვამბობ. იმედი მაქვს, რომ არ მოგვიწევს ამ აქტივის გამოყენება საჭირო დროზე ადრე“.
