ქალაქ ხაშურში, შინდარის დასახლებაში, სკვერის მოწყობა დასასრულს უახლოვდება.
„სივრცე ძალიან ლამაზი გამოვიდა და ვფიქრობთ, ადგილობრივების საყვარელი ადგილი გახდება.
დამონტაჟდა დასასვენებელი სკამები, ფანჩატურები, საბავშვო ატრაქციონები, განათებები. აშენდა მინი სტადიონი, დაირგო სხვადასხვა ტიპის ხე-მცენარე.“- აღნიშნა ხაშურის მუნიციპალიტეტის მერმა-თენგიზ ჩიტიაშვილმა.
სკვერის მოწყობის სამუშაოები, თანადაფინანსებით განხორციელდა. პროექტის ღირებულებამ 389 646 ლარი შეადგინა.
