შეერთებული შტატების პრეზიდენტმა დონალდ ტრამპმა ახალი საბაჟო ტარიფების დაწესების შესახებ განაცხადა.
დონალდ ტრამპის მიერ ხელმოწერილი აღმასრულებელი ბრძანების თანახმად, შეერთებული შტატებში იმპორტირებულ ყველა საქონელზე ახალი საბაჟო ტარიფები დაწესდა.
მედიის მიერ გავრცელებულ იმ ქვეყნების და ტერიტორიების ჩამონათვალში, რომელთაც შეერთებულმა შტატებმა ახალი საბაჟო ტარიფები დაუწესა არ არიან რუსეთი, ბელარუსი, ჩრდილოეთ კორეა და კუბა.
თეთრი სახლის ოფიციალურმა წარმომადგენელმა, რომელიც „ნიუ-იორკ ტაიმსთან“ ანონიმურობის პირობით ისაუბრა, განმარტა, რომ ეს ქვეყნები ამორიცხულები არიან, რადგან ისედაც ეჯახებიან „უკიდურესად მაღალი ტარიფებს და ჩვენი ადრე დაწესებული სანქციები გამორიცხავს რაიმე მნიშვნელოვან ვაჭრობას ამ ქვეყნებთან“.
ჩამონათვალში არ არიან აგრეთვე მექსიკა და კანადა. ორივე ქვეყანას შეეხო ავტომობილებზე, აგრეთვე ფოლადსა და ალუმინზე დაწესებული ტარიფები, ხოლო ყველა სხვა იმ საქონელზე ტარიფები, რომელსაც არ ეხება თავისუფალი ვაჭრობის შესახებ ამერიკა-მექსიკა-კანადის შეთანხმება (USMCA) საბოლოოდ განიხილება მას შემდეგ, რაც ფენტალინთან და სასაზღვრო მიგრაციასთან დაკავშირებით მექსიკის და კანადის მიერ მიღებული ზომების ეფექტურობა შეფასდება.
