პარიზის სასამართლომ ულტრამემარჯვენე „ნაციონალური გაერთიანების“ ლიდერი მარინ ლე ლენი დამნაშავედ ცნო ევროპარლამენტში სამუშაოდ ასისტენტების ფიქციური დაქირავებით თითქმის 3 მილიონი ევროს გაფლანგვაში და მას ოთხი წლით თავისუფლების აღკვეთა მიუსაჯა. ამასთან, მას ხუთი წლის ვადით აეკრძალა საჯარო თანამდებობის დაკავება.
ოთხწლიანი პატიმრობიდან მარინ ლე პენი ორ წელს ელექტრონული სამაჯურის გამოყენებით გაატარებს შინაპატიმრობაში,ორი წელი კი პირობითი სასჯელია. საჯარო თანამდებობის დაკავების ხუთი წლის ვადით აკრძალვა კი მისი საფრანგეთის 2027 წლის საპრეზიდენტო არჩევნებში მონაწილეობას გამორიცხავს.
იმის გათვალისწინებით, რომ ლე პენმა შესაძლოა დაკარგოს კენჭისყრის უფლება განაჩენის გამო, მან დაუშვა, რომ „ნაციონალური გაერთიანების“ მომავალი საპრეზიდენტო კანდიდატი ყოფილიყო ჯორდან ბარდელა, პარტიის ლიდერი, რომელიც წელს 30 წლის გახდება (საფრანგეთში საპრეზიდენტო არჩევნებში მონაწილეობის მინიმალური ასაკი 18 წელია).
ლე პენმა უარყო რაიმე მონაწილეობა კორუფციულ სქემაში და დაადანაშაულა პროკურორები მისი „პოლიტიკურ სიკვდილისადმი“ სწრაფვაში. მისი თქმით, ესაა ნაწილი შეთქმულებისა, რომლის მიზანიც არის „ნაციონალური გაერთიანების“ ხელისუფლებაში მოსვლის ხელის შეშლა.
ფრანგული მედიის თქმით, სასამართლოს გადაწყვეტილება გამამტყუნებელი განაჩენის დაუყოვნებლივ ძალაში შესვლის შესახებ ნიშნავს, რომ მარინ ლე პენის 2027 წლის საპრეზიდენტო არჩევნებში მონაწილეობის შანსი ძალიან მცირეა.
პარიზის სასამართლოს მიერ გამამტყუნებელი განაჩენის გამოტანას გამოეხმაურნენ და მარინ ლე პენს სოლიდარობა გამოუცხადეს უნგრეთის პრემიერ-მინისტრმა ვიქტორ ორბანმა და იტალიის ვიცე-პრემიერ მატეო სალვინი.
„მე ვარ მარინი“ - დაწერა ვიქტორ ორბანმა X-ზე.
Je suis Marine! @MLP_officiel
— Orbán Viktor (@PM_ViktorOrban) March 31, 2025
„ის, ვისაც ამომრჩევლის ნების გასმოხატვის ეშინია, ხშირად შვებას სასამართლოს გადაწყვეტილებაში პოვებს.
პარიზში მარინ ლე პენი გაასამართლეს და მისი პოლიტიკური ცხოვრებიდან ჩამოშორება სურთ.
ბინძური ფილმია. სხვა ქვეყნებშიც ვიხილეთ, მაგალითად, რუმინეთში.
ეს არის ბრიუსელის მხარის მიერ მარინ ლე პენისს წინააღმდეგ ომის გამოცხადება და ეს ხდება მაშინ, როდესა ფონ დერ ლაიენის და მაკრონის საბრძოლო აღტინებაშიშ იწვევს.
ჩვენ ვერ შეგვაშინებენ, ჩვენ ვერ შეგვაჩერებენ: სრული სვლით წიმ ჩემო მეგობარო!“ - წერს X-ზე მატეო სალვინი.
Chi ha paura del giudizio degli elettori, spesso si fa rassicurare dal giudizio dei tribunali.
— Matteo Salvini (@matteosalvinimi) March 31, 2025
A Parigi hanno condannato Marine Le Pen e vorrebbero escluderla dalla vita politica. Un brutto film che stiamo vedendo anche in altri Paesi come la Romania.
Quella contro…
