ესპანეთის ლა ლიგაში 16 ტურის გამოტოვებული შეხვედრა გაიმართა.

ვალენსიაში, „სიუდად დე ვალენსიაზე“, გიორგი მიქაუტაძის „ვილიარელს“ ადგილობრივმა „ლევანტემ“ უმასპინძლა.

სტუმრებმა შეხვედრა მასპინძელთა კარში გიორგი მიქაუტაძის მიერ 57-ე წუთზე გატანილი ერთადერთი გოლით მოიგეს. 

გიორგი მიქაუტაძემ ზედიზედ მესამე მატჩში გაიტანა, სულ კი მას მიმდინარე პირველობაზე 8 გოლი აქვს გატანილი. 

გიორგი მიქაუტაძე (Flashscore- 7,6) 89-ე წუთზე შეცვალეს.