ჩატარებული ინტენსიური გაწმენდითი სამუშაოების შედეგად, საერთაშორისო მნიშვნელობის თბილისი-სენაკი-ლესელიძის საავტომობილო გზის 169-ე კმ- ზე (რიკოთის უღელტეხილი) ავტოტრანსპორტის მოძრაობა აღდგენილია, – ამის შესახებ საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციაშია ნათქვამი.
მოძრაობა დაწესებული სპეციალური რეჟიმის მიხედვით განხორციელდება.
დღეს დილას, ძლიერი წვიმის შედეგად რიკოთზე ჩამოსულმა მიწის ზვავმა მოძრაობის შეზღუდვა გამოიწვია. ადგილზე გაწმენდითი სამუშაოები რამდენიმე საათის განმავლობაში მიმდინარეობდა.
