საბაჟო გამშვებ პუნქტზე – „სადახლო-საავტომობილო“, სავალდებულო დეკლარირებას დაქვემდებარებული განსაკუთრებით დიდი ოდენობით ოქროს სხმულების შემოტანის ფაქტი აღიკვეთა. ინფორმაციას შემოსავლების სამსახური ავრცელებს.
მათივე ცნობით, უცხო ქვეყნის მოქალაქე საბაჟო კონტროლის გვერდის ავლით, შეეცადა ფეხსაცმელებსა და წინდებში განთავსებული 1 707 გრამი ოქროს სხვადასხვა ზომის სხმულები საქართველოს საზღვარზე მალულად შემოეტანა.
არადეკლარირებული საქონლის საერთო საბაჟო ღირებულებამ 576 585 ლარი შეადგინა.
შემოსავლების სამსახურის ცნობით, საქმის მასალები საქართველოს ფინანსთა სამინისტროს საგამოძიებო სამსახურს გადაეცა.
