სასამართლო დღეს იმსჯელებს 4 ოქტომბერს, საპროტესტო აქციის დროს, ჟურნალისტებისათვის პროფესიულ საქმიანობაში ხელის შეშლის ფაქტებზე.
გამოძიებით დადგინდა, რომ ათონელის ქუჩის და მიმდებარე ტერიტორიაზე გამართული აქციის მიმდინარეობისას, ბრალდებულებმა წიწაკის სპრეის შესხმისა და ფიზიკური ხელშეშლის გზით, ასევე, ძალადობის მუქარით პროფესიულ საქმიანობაში უკანონოდ შეუშალეს ხელი "საზოგადოებრივი მაუწყებლის", ტელეკომპანია "იმედის" და ტელეკომპანია "რუსთავი 2-ის" გადამღებ ჯგუფებს.
