ოზურგეთის მერია ახალ სოციალურ პროგრამას იწყებს, რომელიც მუნიციპალიტეტში რეგისტრირებულ I-IV კლასის მოსწავლეების ოჯახებს ეხება, ვისი სარეიტინგო ქულაც 0-დან 70001-მდეა - ამის შესახებ ავთანდილ თალაკვაძემ მერიის სხდომაზე განაცხადა.
მერის თქმით, სოციალური პროგრამა შეეხება კრიზისულ მდგომარეობაში მყოფ, ბავშვიან ოჯახებსაც.
„ მინდა გაცნობოთ, რომ ვიწყებთ ახალ სოციალურ პროგრამას, რომელიც ოზურგეთის მუნიციპალიტეტში რეგისტრირებულ I-IV კლასის მოსწავლეების ოჯახებს ეხება, ვისი სარეიტინგო ქულაც 0-დან 70001-მდეა. ეს პროგრამა მოიცავს ბავშვებისთვის სასკოლო ნივთების შეძენას. პროგრამა შეეხება კრიზისულ მდგომარეობაში მყოფ, ბავშვიან ოჯახებსაც. პროგრამა უკვე ამოქმედებულია და ველოდებით თქვენს განაცხადებს,“- განაცხადა ავთანდილ თალაკვაძემ.
