ბათუმის პარკებსა და სკვერებში ინფრასტრუქტურის, საყვავილე კლუმბების, ხე-მცენარეების დაზიანებისა და მწვანე ნარგავების მოპარვის ფაქტები დაფიქსირდა. ინფორმაციას ამის შესახებ, ბათუმის გამწვანებისა და ლანდშაფტური დაგეგმარების სამსახური ავრცელებს.
სამსახურის ინფორმაციით, აეროპორტის გზატკეცილზე ავტომანქანით ერთწლოვანი ნარგავები დააზიანეს. ათეულობით მცენარე მოიპარეს რუსთაველის ქუჩაზე.
“აღნიშნულთან დაკავშირებით დაწყებულია მოკვლევა. გამწვანების სამსახური მოუწოდებს მოსახლეობას, გამოიჩინონ მაღალი მოქალაქეობრივი პასუხისმგებლობა, გაუფრთხილდნენ გარემოსა და ჩვენს ქალაქს”,- ბათუმის გამწვანებისა და ლანდშაფტური დაგეგმარების სამსახურში.
