მსჯავრდადებული საქართველოს ყოფილი პრეზიდენტი მიხეილ სააკაშვილი რუსეთის საგარეო საქმეთა მინისტრის განცხადებას ეხმაურება: 

"ლავროვმა თქვა რომ ქართველები იდენტობას იბრუნებენო, მისთვის ჩვენი იდენტობა არის ელარჯის წელვა, ჩვენთვის ეროვნული იდენტობა არის:

სწრაფი რეფორმები,

N1 კორუფციასთან მებრძოლი ქვეყნის სტატუსი,

ერთიანი ეროვნული გამოცდებით, კორუფციის გარეშე, უმაღლესი განათლების მიღების შესაძლებლობა,

გადასახადების შემცირება,

სწრაფი სახელმწიფო სერვისები,

ჩვენი ფასდაუდებელი კულტურული მემკვიდრეობა, აღდგენილი ეკლესია მონასტრები,

ერთ-ერთი ყველაზე უსაფრთხო ქვეყნის სტატუსი წლების განმავლობაში,

ჩვენი ახალგაზრდობის სამეცნიერო და ტექნოლოგიური მიღწევები,

ევროპული ღირებულებები და ევროატლანტიკური მისწრაფებები,

თავისუფლებისადმი ჩვენი სიყვარული და გამარჯვების ჟინი!

ამჯერადაც ერთად გავიმარჯვებთ!" - წერს მიხეილ სააკაშვილი.

ცნობისთვის, რუსეთის საგარეო საქმეთა მინისტრმა სერგეი ლავროვმა მედიაჰოლდინგ РБК-სთან ინტერვიუში ქართულ პოლიტიკაში მიმდინარე ვითარებაზე ისაუბრა და განაცხადა, რომ თანამედროვე ქართული ხელმძღვანელობის პოლიტიკა დაკავშირებულია ეროვნული ქართული იდენტობის გაცნობიერებასთან და ლიბერალური დემოკრატიის ღირებულებების მავნებლობის გააზრებასთან.