თუ თქვენც თანხმდებით იმაზე, რომ ევროკავშირის ელჩები, ევროპელი ლიდერები ყველა მიხეილ სააკაშვილის მეგობარია და ნამდვილად ასეა, მინდა დაგიდასტუროთ. თუ იმაზეც თანხმდებით, რომ ცუკერბერგი პირობითად ფეისბუკის ადმინისტრაციაც მიხეილ სააკაშვილის მეგობრები არიან და ზოგადად თვლით, რომ ცივილიზებული სამყარო მიხეილ სააკაშვილის მეგობარია, მე გიდასტურებთ, რომ ნამდვილად ასეა. მიხეილ სააკაშვილს და ჩვენ ძალიან ბევრი მეგობარი გვყავს დასავლეთში, ევროპაში, ძალიან ბევრი პარტნიორი. - ამის შესახებ "ერთიანი ნაციონალური მოძრაობის თავმჯდომარემ, ლევან ხაბეიშვილმა მეტა-ს ადმინისტრაციის მიერ ყალბი პოსტების დაბლოკვასთან დაკავშირებით განაცხადა.
"შესაბამისად , მაშინ თქვენც უნდა გესმოდეთ, რომ ჩვენ უკეთ შეგვიძლია საქართველოს ევროკავშირში შეყვანა. მგონი თქვენ გესმით, რომ ჩვენ შეგვიძლია საქართველოს ევროკავშირში შეყვანა. თქვენი ოჯახებისთვისაც იქნება ის სიკეთე, რომელსაც საქართველოს ევროკავშირში გაწევრიანება მოუტანს. დამიჯერეთ , ეს ყველაზე აისახება , თქვენზეც აისახება - ამაში ღრმად ვარ დარწმუნებული." - განაცხადა ლევან ხაბეიშვილმა.
