“ერთიანი ნაციონალური მოძრაობის” თავმჯდომარემ, ლევან ხაბეიშვილი საქართველოს ნაკრებს გამარჯვებას ულოცავს.
"გამარჯვება, გამარჯვება და მხოლოდ გამარჯვება. ისტორია დაწერილია! უდიდესი სიხარული, ემოცია და პოზიტივი გვაჩუქეს ჩვენმა ბიჭებმა. უდიდესი მადლობა ყველას, ვინც მუხლჩაუხრელად იშრომა ამ წარმატებისთვის. მადლობა სამწვრთნელო გუნდს, ფეხბურთელებს და მადლობა გულშემატკივარს, ვისაც არასდროს დაუკარგავს გამარჯვების რწმენა. სრულიად საქართველოს გილოცავთ.” - განაცხადა ლევან ხაბეიშვილმა.
ცნობისთვის, 2024 წლის 26 მარტს თბილისში, ბორის პაიჭაძის სახელობის „დინამო არენაზე", ევრო 2024-ის პლეი ოფის ფინალური შეხვედრაში საქართველომ საბერძნეთს უმასპინძლა.
შეხვედრის პირველი ნახევარი უაღრესად დაძაბულ და ნერვულ ვითარებაში წარიმართა და უშედეგოდ დასრულდა. მსაჯმა 45 წუთის განმავლობაში სამი ბერძენი და ერთი ქართველი ფეხბურთელი გააფრთხილა.
ასეთივე დაძაბულად და ნერვიულად წარმართულმა მეორე ნახევარმა გამარჯვებული ვერ გამოავლინა და შეხვედრა გაგრძელდა დამატებით დროში, რომელიც ასევე უგოლოდ დასრულდა.
თერთმეტმეტრიანების სერიაში ქოჩორაშვილმა, დავითაშვილმა, დვალმა გაიტანეს, მიქაუტაძემ ააცილა, მამარდაშვილმა მოიგერია, ბერძნებმა ორი გაიტანეს ერთი ააცილეს და კვეკვესკირის დარტყმის შემდეგ საქართველომ 4:2 გაიმარჯვა და ევრო 2024-ის საგზური მოიპოვა.
