ეს გადაწყვეტილება სინამდვილეში მიმართულია პუტინის მეგობრებისკენ და იმ ხალხისკენ, ვინც მასთან დამეგობრებას აპირებს, – ასე აფასებს „გირჩის“ წევრი იაგო ხვიჩია სისხლის სამართლის საერთაშორისო სასამართლოს მიერ ვლადიმერ პუტინის დაკავების ორდერის გაცემას.
მისი თქმით, მთელი სამყარო უფლებამოსილი იქნება პუტინის მეგობრებს მოეპყრონ ისე, როგორც თანამზრახველებს.
„ეს გადაწყვეტილება სინამდვილეში მიმართულია პუტინის მეგობრებისკენ და იმ ხალხისკენ, ვინც მასთან დამეგობრებას აპირებს, რადგან აქამდე ვინმეს თუ არ ესმოდა საერთაშორისო სასამართლომ გასაგებად უთხრა, რომ მათ კრიმინალთან ექნებათ საქმე. მთელი სამყარო იქნება უფლებამოსილი პუტინის მეგობრებს მოეპყრონ ისე, როგორც თანამზრახველებს და არა როგორც პოლიტიკოსებს. ამიტომ არის ჩემი აზრით, უფრო მნიშვნელოვანი ეს ნაწილი. თავისთავად ცხადია, რომ მძლავრი პოლიტიკური მესიჯია, მათ შორის, რუსეთის მოსახლეობისთვისაც, თუ რასაკვირველია, ამ საზოგადოებას ჯერ კიდევ აქვს რაიმეს ცვლილების ძალა ქვეყნის შიგნით“, – განაცხადა იაგო ხვიჩიამ.
კითხვაზე, რა შეფასება ექნებათ ხელისუფლების წარმომადგენლებს სისხლის სამართლის საერთაშორისო სასამართლოს გადაწყვეტილებაზე, იაგო ხვიჩიამ განმარტა: „სკანდალური რუსული კანონის პერიპეტიების შემდეგ, ნებისმიერი მათი პოზიცია ინება საინტერესო და საყურადღებო მთელი მოსახლეობისთვის. ამიტომ ეტყობა მოფიქრების პროცესში არიან, რომ კარგად მოიფიქრონ“.
